മാറ്റം
എന്റെ ചുണ്ടുകള്‍ കറുത്ത് തുടങ്ങിയപ്പോള്‍ നീയറിഞ്ഞു
ഞാന്‍ പുകവലി ശീലമാക്കിയിരിക്കുന്നു
എന്റെ കാലുകള്‍ നിലത്തുറക്കാതായപ്പോള്‍ നീ കണ്ടു
ഞാന്‍ മദ്യപനും കൂടിയായിരിക്കുന്നു
വാക്കുകള്‍ ഭാവം പകര്‍ന്നപ്പോള്‍ നീ സ്വയം പറഞ്ഞു
അവന്‍ മുരടനായി രിക്കുന്നു
കണ്ണുകള്‍ കുറുകിത്തുടങ്ങിയപ്പോള്‍ നീയറിഞ്ഞു
നിന്റെ സിരകളില്‍ ഞാന്‍ ഭയമായി കൂടുകൂട്ടുന്നു
വിയര്‍പ്പില്‍ നിന്നും ദുര്‍ഗന്ധമുയര്‍ന്നപ്പോള്‍ നീ കണ്ടു
ഞാനാകെ ദുഷിച്ച് പോയിരിക്കുന്നു
എന്നിട്ടും ......
നീയെന്നെ വെറുക്കാതിരുന്നപ്പോള്‍ ഞാനറിഞ്ഞു
എന്റെ നെഞ്ചിടിപ്പിന് നിന്റെ നിശ്വാസത്തിന്റെ താളമായിരുന്നു
ഹൃദയം നിറയെ നിന്റെ കണ്ണുനീരായിരുന്നു
000
No comments:
Post a Comment